ILOILO — Dead-on-arrival sa ospital ang 20-anyos nga lalaki sang nahulog halin sa atop sang gymnasium sa Cabugao Norte, Sta. Barbara sang Hunyo 9 sang aga.
Ginkilala ang napatay kay Val Magarzo, lineman kag tumandok sang Garang St., Maasin.
Suno kay PMaj Rey Pabalan, hepe sang Sta. Barbara Municipal Police Station, nagakay-o sang linya sang internet ang lalaki.
May nakaptan nga live wire ang lalaki suno kay Pabalan rason nga nakuryente kag nahulog.
Nagtupa sa kilid sang karsada ang lalaki kag base sa pulis napilasan sa ulo, paa kag abaga.
