ILOILO CITY — I-monitor sang Task Force on Morals and Values Formation ang mga lodging houses, motels, inns, kag mga beach resorts sa Iloilo City agud masiguro nga wala sang mga menor-de-edad nga makasulod sa Valentine’s day.
Suno kay task force Head Nestor Canong, katuyuan nila nga indi maguba ang puturo sang mga kabataan tungod may iban suno sa iya nga nagakaintuan sang ila mga nobyo kag ginadala sa indi dapat kaladtuan nga mga lugar.
Daku suno kay Canong ang papel sang mga security guard sang nasambit nga mga establisemento tungod sila ang una nga makakita sang mga customers nga nagasulod.
Nagpaandam si Canong nga mahimo makasuhan ang tag-iya sang establisemento ukon mapasiraduhan ang ila negosyo kun may madakpan nga menor-de-edad nga mag-check in ila.
21 ka mga lodging houses, motels, inns, kag mga beach resorts ang gina-monitor sang task force sa siyudad suno kay Canong kag pinakamadamo ang yara sa Arevalo.
