Mag-amay nakuhaan sang P340,000 nga balor sang suspected shabu sa buy bust operation sa Santa Barbara, Iloilo

ILOILO — Dakup ang mag-amay sang nakuhaan sang P340,000 nga balor sang suspected shabu sa drug bust operation sa Barangay Lanag, Sta. Barbara kagab-i, Oktubre 8.

Subjects sa operasyon sanday alyas Boy-boy, 44-anyos kag iya 16-anyos nga bata nga lalaki, residente sang Brgy. Consolacion, San Miguel.

Nabaklan sang isa ka sachet sang suspected shabu sa balor nga P6,000 si Boy-boy kag nakuha pa sa ila posesyon ang dugang nga lima ka dalagko nga pinutos nga nagdangat sa 50 gramos ang kabug-aton.