ILOILO CITY — Fractured ang tuo nga tiil ni alyas Jerson, 28-anyos, samtang napilasan man sa tiil ang iya live-in partner nga si alyas Ange, 35-anyos, sang natumbahan sila sang poste samtang nagasakay sa motorsiklo sa Sooc, Arevalo pasado las-7 kagab-i.
Suno kay Staff Sergeant Joey Lopez, traffic investigator sang Arevalo Police Station, nasalawid sang dump truck ang kable sang telco rason nga natumba ang poste nga gina-angutan sini.
Nag-ula suno sa iya sang duta sa kilid sang karsada ang dump truck sang nasalapay ang kable sang telco.
Gindala sa Iloilo Doctors Hospital ang mag-live in agud mabulong.
Magluwas sa motorsiklo sang duha, naigo man sang kable sang telco ang naglabay nga salakyan sang maestra sang Iloilo City National High School.
Gin-custody na sang Arevalo Police ang driver sang truck nga ginkilala kay Mario Celiz.
