ILOILO — Naabtan sang Sta. Barbara Municipal Police Station-Station Drug Enforcement Team nga naga-repack pa sang suspected shabu ang mag-live in partner nga nadakpan sa drug bust operation sa Brgy. Miraga-Guibuangan, Sta. Barbara, pasado la-1:00 kaina sang hapon.
Ini suno kay Police Lieutenant Christopher Juarez, deputy chief sang Sta. Barbara MPS.
Sa duha ka bulan nga monitoring sang mga pulis, nahibaluan nga ginabaligya sang subject nga si alyas Ron, 53-anyos upod ang iya live-in partner, sa kaiping nga barangay kag tricycle drivers ang illegal nga druga.
Na-recover sa subjects ang ginabanta 115 grams nga kabug-aton sang suspected shabu nga nagabalor sang P782,000. — ARI Trainee Robert Nietes
