ILOILO –Napilasan sa abaga kag tiyan ang magulang samtang sa ulo naman na-igo ang manghod sang naglab-anay sa Brgy. Macalbang, Concepcion pasado las-7 kaina sang aga.
Suno kay Police Major Samuel Vipinosa, hepe sang Concepcion Municipal Police Station, samtang nagatindog ang 42-anyos nga magulang sa guwa sang iya balay, ginlabo siya sa abaga sang iya 36-anyos nga manghod.
Nagbalos ang magulang kag na-igo sa ulo ang iya manghod. Liwat naman nga ginlabo sang manghod sa tiyan ang iya magulang.
Pareho nga may dala nga binangon ang mag-utod.
Sa pagpangusisa sang police, naagahan na sa pag-inom ang mag-utod kag hangover sang natabu ang insidente kaina sang aga.
Las-9 na sang aga sang nabaton sang police ang report kag gin-surrender sang pamilya ang suspect.
Gindala sila nga duha sa ospital kag outpatient na.
Nag-aregluhanay na ang mag-utod.
