ILOILO— Patay ang magpakaisa sang nakabunggo ang ginasakyan nga motorsiklo sa karbaw nga nakabuhi sa Brgy. Villa Pani-an, Estancia kahapon sang kaagahon, Hulyo 12.
Suno kay Police Captain Rowena Garcia, deputy chief of police sang Estancia Municipal Police Station, padulong kuntani ang magpakaisa sa Carles antes ang insidente.
Sa imbestigayson, nakabunggo ang motorsiklo sa nagtabok sa karsada nga karbaw.
Base sa pagpangusisa sang pulis, nabugto ang kalat nga nagahigot sa karbaw gani nakabuya kag nagtabok sa karsada kag nabungguan sang motorsiklo.
Wala sang ginasuksok mga helmet ang magpakaisa kag posible nga madasig ang pagpadalagan sang motorsiklo tungod sa mabaskog nga impact sang naaksidente, suno kay Garcia.
Gindala pa sa ospital ang magpakaisa pero napatay.
Napatay naman ang karbaw matapos ang aksidente.
