ILOILO CITY — Dakup ang apat ka miyembro sang pamilya sa buy bust operation sang Iloilo City Police Station 4 – Station Drug Enforcement Team sa Zone 9 Brgy. Calumpang, Molo sang Agosto 28.
Main subject sa operasyon ang 29-anyos nga bata nga si alyas Jericho samtang dakup man ang iya iloy nga si alyas Neneng, 54-anyos; alyas Intsik, 40-anyos kag alyas Renboy, 23-anyos.
Madugay na na-monitor sang Station Drug Enforcement Team sang Iloilo City Police Station 4 ang ilegal nga aktibidad sang main subject upod ang iya pamilya.
Suno kay Police Lieutenant Lloyd Pagulayan, deputy station commander sang ICPS4, ini na ang ikatatlo nga bes nga nadakpan sa buy bust operation si Jericho.
Sa monitoring sang police, sa Brgy. Bakhaw, Mandurriao nagakuha sang supply sang illegal drugs ang main subject kag ginabaligya sa Molo.
Na-recover ang 60 grams nga kabug-aton sang suspected shabu nga nagabalor sang P408,000. — Aksyon Paula Elambayo
