ILOILO — Patay na sang nasapwan ang magtiyo sa Tagbac Sur, Oton sang nakuryente kagab-i.
Suno kay Police Captain Lunellyn Talamillo, deputy chief sang Oton Municipal Police Station, sa panaysayon sang asawa sang napatay nga si alyas Jo, 55- anyos, natingala siya nga wala sila sang elektrisidad sa ila balay, samtang nagasiga man sa ila mga kasilingan.
Mga las-6 kagab-i, gin-check ni Jo ang ila linya sa poste, mga 400 metro ang kalayuon halin sa ila balay.
Mga las-nueve sang gab-i, nag-apas ang hinablos ni Jo tungod wala gihapon siya nakabalik.
Kaina sang aga na nasapwan sang barangay tanod ang magtiyo nga nagahuray-ad. Nagaburambod sa tiil ni Jo ang live wire kag ara sa iya tupad ang hinablos. Posible suno kay Talamillo nga una nakuryente ang tiyo kag tuyo nga salbaron sang hinablos pero nakuryente man. — ARI trainee Robert Nietes
