ILOILO— Pilason ang magulang sang nalabuan sang iya nga manghod sa Brgy. Quinagaringan Pequeño, Passi City kagab-i.
Suno kay Captain Maria Rosario Miranda, naga-istar sa separado nga balay ang magulang nga si alyas Mark, 30-anyos kag ang manghod nga si alyas Eric, 25-anyos.
Nagtipon sa balay sang ila nga utod ang magulang kag ang manghod kag nag-inum-inom, suno sa pulis.
Sa pagpangusisa sang pulis, nagmaoy ang magulang gani ginsaway sang manghod. Nagkuha sang espading ang magulang kag ginlabo ang manghod, pero wala naigo.
Naagaw sang manghod ang espading kag naigo ang magulang rason nga napilasan sa nagkalainlain nga parte sang lawas.
Gindala sa ospital ang biktima samtang nagdesisyon ang pamilya nga indi na lang magpasaka sang kaso sa suspek. — Aksyon Paula Elambayo
