ILOILO CITY — Malapit sa isa ka milyon ka pesos nga balor sang suspected shabu ang na-recover sa High Value Individual (HVI) nga subject sang drug buy bust operation sa Brgy. Nabitasan, La Paz las-12:30 kaina sang kaagahon.
Ginkilala ang subject kay Anjo Abello alias “Part”, 26-anyos sang Zone 1 Brgy. Rizal, La Paz.
Nabaklan si Abello sang isa ka sachet sang suspected shabu sa balor nga P20,000 kag na-recover pa gid ang dugang nga 26 ka sachets.
Nagabug-at sang 135 grams ang na-recover nga items kag may standard drug price nga P918,000.
Ginhimo ang operasyon sang Regional Police Drug Enforcement Unit (RPDEU) 6, La Paz police, kag City Drug Enforcement Unit (CDEU).
Ginatinguhaan sang Aksyon Radyo Iloilo nga makuhaan sang pahayag ang subject nga presu subong sa La Paz police station.
