Mga lalaki ang nagapanguna sa may pinakamadamo nga kaso sang HIV sa Iloilo Province.
Base ini sa data sang Department of Health (DOH) suno kay Dr. Rondey Labis, head sang Health Service Delivery Division sang Provincial Health Office.
Halin 1988 tubtob March 2025 may 2,174 na ka kaso sang HIV sa probinsiya.
96% sang nasambit nga numero ang lunsay mga lalaki.
Kalabanan sang mga apektado ang naga-edad 25 tubtob 34 anyos nga may 49% sang kabug-usan nga kaso.
Ginasundan ini sang mga naga-edad 15 tubtob 24 anyos nga may 31% kag 35 tubtob 49 anyos nga may 18%.
Nagapanguna nga mode of transmission sang HIV sa probinsiya ang male having sex with male only nga may 62%.
Ginsundan ini sang male having sex with male and female nga may 23% kag mother to child nga may anum ka mga kaso.
Duha ka tuig ang pinakabata nga na-infect sang HIV sa probinsiya kag 67-anyos naman ang pinakatigulang.
217 na ang mga napatay sa Iloilo Province tungod sa HIV halin 1988 tubtob March 2025.
Halin Enero tubtob Marso naman subong nga tuig, 15 ang gin-report nga napatay tungod sa balatian. — Aksyon Khenjo Terco
