Mangunguma nasapwan patay sa tunga sang talamnan sa Bingawan

ILOILO — Patay na sang nasapwan sa tunga sang talamnan ang 48-anyos nga mangunguma sa Brgy. Quinangyana, Bingawan las-8:15 kagab-i.

Suno kay Police Lieutenant Philip Girao, officer-in-charge sang Bingawan Municipal Police Station, ginpangita sang hinablos ang lalaki tungod natingala siya nga wala pa makuha ang kanding sa talamnan.

Pag-abot sa lugar, nagakaya ang lalaki kag sa ila imbestigasyon, posible nagsuka sang dugo tungod sa balatian nga tuberculosis.

Wala na sang plano nga ipa-autopsy sang pamilya ang lalaki suno sa police. — Aksyon Paula Elambayo