Mangunguma sa Miagao arestado sang nakuhaan sang pusil, bala sang ginserbihan sang search warrant

Arestado ang mangunguma sang nakuhaan sang pusil kag bala sang ginserbihan sang search warrant sa Brgy. Dalije, Miagao kahapon, Agosto 14.

Ang operasyon ginhimo sang Miagao Municipal Police Station sa pagpanguna ni Police Major Richard Lao, officer-in-charge kaupod ang 601st Regional Mobile Force Battalion 6.

Naaresto ang mangunguma tungod sa impormasyon halin sa mga pumuluyo sa barangay.

Na-recover ang isa ka unit sang long barrel shotgun, short barrel break-type shotgun, kag walo ka mga bala sang 12-gauge shotgun.

Yara sa kustodiya sang Miagao Police Station ang arestado kag natalana pasakaan sang kaso nga paglapas sa RA 10591 ukon ang Comprehensive Firearms and Ammunition Regulation Act. — Aksyon Paula Elambayo