Ginrespondehan sang Bureau of Fire Protection — Passi City ang 59-anyos nga mangunguma sang aksidente nga nagsulod ang iya kamot sa thresher sa Brgy. Jaguimitan, Passi City kahapon, Nobyembre 19.
Suno kay Fire Officer 1 Jeric John Casamayor, acting chief EMS sang BFP-Passi City, nautod ang tendons kag tul-an sa metacarpal ukon ang likod sang palad sa wala nga kamot sang mangunguma.
Gilayon gindala sa ospital ang mangunguma pagkatapos nadapatan sang first-aid.
Ginahingagaw sang mangunguma nga matapos ang pag-thresher sa mga humay nga gin-harvest gani aksidente nga nagsulod ang iya kamot, suno kay Casamayor. — Aksyon Paula Elambayo
