Manugtapas sang tubo patay sang nalumos sa suba sa San Enrique

ILOILO — ILOILO — Patay ang 29-anyos nga manugtapas sang tubo sang nalumos sa suba sa Brgy. Poblacion Ilawod, San Enrique las-11:30 kaina sang aga.

Suno kay Cris Palomado, head sang Municipal Disaster Risk Reduction and Management Office (MDRRMO) sang San Enrique, nagpangayo sang bulig sa ila opisina ang mga kaupdanan kag nagpahibalo nga nalumos ang ila upod.

Nagresponde ang MDRRMO upod ang BFP-San Enrique sa lugar kag makaligad ang pito ka minutos, nakit-an ang biktima.

Gin-CPR pa ang biktima pero gindeklarar nga dead-on-arrival sa ospital.

Sa pagpangusisa sang MDRRMO San Enrique, nagpaligo sa suba ang biktima upod ang iban nga kaupdanan pagkatapos nagpangtapas sang tubo.

Posible nakalab-ut sa madalom nga porsyon sang suba ang biktima gani nalumos, suno kay Palomado. — Aksyon Paula Elambayo