Masobra 100 ka gatos ka mga estudyante sa Pis-anan National High School kag Pis-anan Central Elementary School sa Sibalom, Antique ang ginpangdala sa ospital sang naglain ang pamatyag makaligad nakahaklo sang “ginapatihan kemikal “daw bayabas” kaina sang aga.

Suno kay Sibalom Mayor Gian Carlo Occeña, gindala ang 131 ka mga estudyante sa Ramon Maza Sr. Memorial District Hospital sa Sibalom kag Angel Salazar Memorial General Hospital sa San Jose.

ay tatlo na ka team halin sa BFP, PNP kag LGU kag iban pa agud i-check ang duha ka eskwelahan pero nagpangayo sila sang assistance sa Department of Health (DOH) 6.

“Ginpamangkot ang mga bata, kag mga teachers, ang amoy nga nasimhutan nila is daw fruity odor. Daw luto nga bayabas. Amo to nga siguro pagsulod nila sa eskwelahan nila mga las-7 or las-7:30, around 8:30 nag-umpisa na sa paglingin kag nagkalalipong sila,” suno kay Occeña.

Sa pagpangusisa ni Occeña, medyo mapait sa mata ang hangin, kag nagsakit dayon ang dughan sang mga estudyante tubtob sunod sunod nga nagkalalipong.

Sa subong, ginahulat pa sang LGU ang findings sang DOH 6 agud madeterminar kon ano ang nahaklo sang mga apektado nga estudyante.– Aksyon Farrah Mae Morano