ILOILO — Masobra isa ka libo ka Agrarian Reform Beneficiaries ang lubos na nga nagapanag-iya sang ila ginatalauma nga duta sang nabaton ang certificates of land ownership ukon CLOA sa turn-over ceremony sa City of Passi Arena kahapon, Pebrero 17.
Ginpangunahan ang programa ni Department of Agrarian Reform Secretary Conrado Estrella III.
Nagalab-ut sa 1,500 ka Agrarian Reform Beneficiaries ang nakabaton sang CLOA para sa 1,649.5760 ka ektariya sang duta.
Sa ginpanghatag nga duta, 135.9427 hectares ang gin-turn over sa 83 ka mga ARBs sa Antique; 403.3468 hectares sa 334 beneficiaries sa Capiz; 32.6869 hectares sa 22 ARBs sa Guimaras; 349.0131 hectares sa 320 beneficiaries sa Iloilo; 347.0131 hectares sa 426 beneficiaries sang Negros Occidental North; kag 381.3864 hectares sa 316 ka mga benipisyaryo sa Negros Occidental South.
Ginkalipay naman sang mga ARBs nga nabaton na gid man ang titulo para sa ila duta..
