Masobra 2,000 ka BSPOs sa Iloilo province nagtambong sa tuigan nga BSPO Congress

ILOILO — Ginpasakupan sang 2,393 ka mga barangay Service Point Officer sa Iloilo Province ang tuigan nga BSPO Congress.

Suno kay Iloilo Governor Arthur Defensor, Jr., daku ang responsibilidad sang mga BSPO sa kabarangayan ilabe na sa pagtipig sang ikaayong lawas sang pumuluyo.

Kabulig man sang Local Government Unit ang mga BSPO sa pagkolekta sang mga datos agud mahibaluan ang dugang nga proyekto.

Samtang ginpakigbahin ni Provincial Population Office Head, Atty. Roel Von Superio nga katuyuan sang BSPO Congress nga mapasangkad sang mga BSPO ang ila tagsa ka abilidad paagi sa mga mensahe sang nagkalain-lain nga opisyal sang gobyerno kapareho sang taga-DILG kag Commission on Population.

Nangin Guest of Honor sa kahiwatan si Senator Ramon Revilla, Jr.

Samtang, may ginapaabot nga P50 million halin sa national government ang Provincial Government agud idugang sa mga proyekto nga kinahanglanon sang probinsya.

Magluwas sa Congress, ginhiwat man ang oath taking ceremony sang mga gin-elect nga officers sang Federation of Iloilo Provincial Service Point Officers, Inc. — via Aksyon Cedrick Anona