ILOILO CITY — Na-recover ang P1,360,000 nga balor sang suspected shabu sa drug buy bust operation sang City Drug Enforcement Unit sa mag-live-in partner kag ila abyan sa Zone 14 Brgy. Calaparan, Arevalo la-1:43 kaina sang kaagahon.
Main subject sa operation si alyas Ed, 52-anyos, sang Brgy. Sinikway Lapuz upod ang live-in partner nga si alyas Bebe 39-anyos. Dakup man ang ila abyan nga si Ryan 32-anyos sang Brgy. Jalandoni Estate, Lapuz.
Sa duha ka semana nga monitoring sang police, natukiban nga sa Brgy. Bakhaw, Mandurriao nagakuha sang illegal nga druga ang mga nadakpan kag ginabaligya sa siyudad sang Iloilo.
Madugay na ang pag-operate sa illegal nga druga sang mga subject sa barangay, suno sa police. — Aksyon trainee Robert Nietes
