Masobra P1.3 million nga suspected shabu na-recover sa drug buy bust sa Baldoza, La Paz

ILOILO CITY — Na-recover ang masobra P1.3 million nga balor sang suspected shabu sa drug buy bust operation sa Zone 3, Brgy. Baldoza, La Paz.

Subject sa operasyon sang City Drug Enforcement Unit (CDEU) si John Regie, 32, sang Brgy. Bancal, Carles kag nagatrabaho nga security guard sa Oton, Iloilo.

Suno kay Police Captain Roque Gimeno III, head sang City Drug Enforcement Unit (CDEU), gin-monitor ang illegal drug activities sang subject tungod sa impormasyon nga nagabaligya siya sa lugar.

Sa pagpangusisa sang police, sa Bolilao, Mandurriao ang source sang subject.

Na-recover sa operation ang tatlo ka dalagko nga pinutos kag 11 ka sachets sang suspected shabu nga ginabanta nagabug-at sang 200 grams. — Aksyon Farrah Mae Morano/Maria Kayla Tingzon