ILOILO — Nakabaton sang impormasyon ang Balasan Police nga naga-engage sa illegal nga druga ang subject nga nadakpan sa drug bust operation sa Brgy. Poblacion Norte, Balasan kagab-i.
Suno kay Police Lieutenant Patrick John Alabado, officer-in-charge sang Balasan Municipal Police Station, gin-ako sang subject nga si alyas Nyor, 43- anyos, nga nagagamit kag nagabaligya siya sang illegal nga druga.
Ginakabig nga high value drug personality si Nyor, suno sa pulis.
Na-recover sa subject ang ginabanta 181 grams sang suspected shabu nga nagabalor sang masobra P1 million.
Naghalin sa probinsya sang Iloilo kag Capiz ang source sang illegal nga druga sang subject kag ginabaligya sa Balasan. — ARI trainee Robert Nietes
