ILOILO — Na-recover ang masobra P1 million nga balor sang suspected shabu sa drug buy bust operation sa Brgy. Lagubang, Barotac Nuevo kahapon, Nobyembre 28.
Ginkilala ang High Value Individual drug personality kay Alyas Irene, 48 anyos kag residente sang amo nga barangay.
Suno kay Police Major Dadjie Delima, Chief sang Provincial Drug Enforcement Unit, masobra duha ka semana ang pag-monitor kay Alyas Irene nga nagabaligya sa 4th district sang illegal nga druga.
Nakuhaan sang 150 grams nga suspected shabu ang subject nga nagabalor sang P1,020,000. — ARI trainee Decyrrie Diamante
