ILOILO CITY — Naglab-ut sa P1,360,000 nga balor sang suspected shabu ang na-recover sa search warrant operation sang Iloilo City Police Station 10 sa Brgy. Bolilao, Mandurriao kagab-i.
Ginkilala ang subject kay alyas Kerby, 24-anyos kag residente sang amo nga lugar.
Suno kay Police Lieutenant Greg Matutino, deputy chief of police sang Police Station 10, nakalab-ut sa ila ang impormasyon nga naga-engage sa illegal drugs ang subject gani ginhimo ang buy bust operation.
Pero dugang nga na-recover ang 39 ka sachets sang suspected shabu nga nagabug-at sang 200 grams sang gin-implementar ang search warrant.
Sa pagpangusisa sang police nakaagi na napreso may kaangtanan sa illegal drugs ang subject pero nakaguwa paagi sa plea bargaining agreement.
Nabaklan sang 1 gram nga suspected shabu ang subject sa balor nga P6,800 sa buy bust operation.
Ginakabig sang police nga high value drug personality ang subject.
BACKGROUND SA BARANGAY
Nalakip sa listahan sang Barangay Anti-Drug Abuse Council (BADAC) ang ngalan ni Kerby nga tumandok sang barangay.
Ginkumpirmar ni Kagawad Jordan Fuerte sang Brgy. Bolilao, Mandurriao ang engagement ni Kerby sa illegal drugs tungod nakaagi na napreso may kaangtanan sa illegal drugs. — Aksyon Paula Elambayo
