Masobra P1 million nga balor sang suspected shabu na-recover sang RPDEU sang nagserbe sang search warrant sa balay sa Molo

ILOILO— Masobra P1 million nga balor sang suspected shabu ang na-recover sang kapulisan sang nagserbe sang search warrant sa balay sang subject sa Zone 2, Brgy. San Juan, Molo kahapon, Pebrero 28.

Suno kay Major Marvin Villanueva, spokesperson sang Regional Police Drug Enforcement Unit (RPDEU), nahibaluan nila nga nagabaligya sang illegal drugs si alyas Jordan, 53-anyos kag may mga ginatago pa sa ila balay gani ginserbihan sang search warrant.

Na-recover ang 30 ka sachet sang suspected shabu kag nagabug-at sang 150grams.

Ginahibalo pa sang kapulisan ang source sang illegal drugs sang subject.

Nakaagi preso si Jordan sa kaso nga Frustrated Murder kag yara sa Barangay Anti-Drug Abuse Council (BADAC). — Aksyon Farrah Mae Morano