ILOILO—Dalagku nga sachets sang suspected shabu ang nakuha sang kapulisan sa pangayaw nga subject sang drug buy bust operation sa Brgy. Batad Viejo, Batad kahapon sang hapon.
Sa operasyon sang Batad police- Station Drug Enforcement Team (SDET) nadakpan si alyas King, 20-anyos sang Brgy. Lumbia, Estancia kag na-recover ang masobra P2.7 Million nga balor sang illegal nga druga.
Gin-surveillance si King sang duha ka semana pagkatapos sang impormasyon halin sa concerned citizens sa iya involvement sa illegal drug activities.
Base sa imbestigasyon, nagahalin sa Estancia ang supply sang illegal drugs sang subject kag gina-distribute sa Batad kag kaiping nga kabanwahanan lakip sa Capiz.
“Ang madinalag-on nga operasyon nga ini ang nagapakita sang epektibo kag pro-aktibo nga pag-obra sang aton mga Ilonggo Cops nga gin-updan sang suporta sang komunidad. Ginapadangat ko gid ang amon bug-os nga pasalamat sa aton mga kasimanwa sa ila daku nga kontribusyon sa paghatag sang masaligan nga impormasyon kung sa diin nangin instrumento sa pagkadakop sang mga imbolbado sa iligal nga droga,” suno kay IPPO Director Police Colonel Bayani Razalan. — Aksyon Farrah Mae Morano
