ILOILO CITY — Na-recover ang P306,000 nga balor sang suspected shabu sa drug buy bust operation sa Ledesma St. Brgy. Jalandoni-Wilson, City Proper las-11:14 kagab-i.

Subject sa operation si alyas Crispin 37- anyos, residente sang Brgy. El 98, Jaro.

Suno kay Police Captain Michael Tuburan, officer-in-charge sang Iloilo City Police Station 7, nakaagi na preso may kaangtanan sa illegal nga druga ang subject.

Wala ginbuyagyag sang police ang source sang illegal nga druga apang ginabaligya ini sang subject sa syudad sang Iloilo.

Ginabanta 45 grams ang na-recover nga illegal nga druga sa subject. — ARI trainee Robert Nietes