ILOILO CITY — Na-recover ang P476,000 nga balor sang illegal drugs sa gin-conduct nga drug buy operation sa Muelley Loney, City Proper pasado las-9 kagab-i, Setyembre 23.
Ginkilala ang subject kay Jomarie Perez, 38-anyos sang Mabini St., Brgy. Railway, La Paz.
Suno kay Police Captain Roque Gemino III, hepe sang City Proper Police Station, isa ka semana ang monitoring sa subject.
Nabaklan ang subject sang isa ka sachet sang suspected shabu sa balor nga P12,000 kag nakuha pa gid sa iya ang 20 ka sachets sang suspected illegal drugs nga ginabanta nagabug-at sang 70 grams.
Naka-agi preso si Perez sa kaso nga pagbaligya man sang illegal drugs sa Kalibo, Aklan pero nakaguwa sang 2019 pinaagi sa plea bargaining agreement.
Ginbuyagyag ni Perez sa police nga nagahalin ang iya suplay kay Rene Boy alias “RB” sa New Bilibid Prison sa Muntinlupa.
Preso ang subject sa City Proper Police Station.
