ILOILO CITY –Lima ka mag-luutod ang nadakpan sa drug buybust operation sa Dela Rama compound, Brgy. Zamora-Milleza, City Proper las-10:15 kagab-i, Hulyo 26.
Ginkilala ang subject sang operasyon kay Joevan Billones. Nadakpan man ang iya mga utod nga kanday Jessie, Jobert, Jammer, kag Jonel Billones nga lunsay residente sang amo man nga barangay.
Nabaklan si Joevan sang isa ka plastic sachet sang suspected shabu sa balor nga P3,500.
Samtang na-recover pa gid ang pito ka sachets sang suspected shabu nga nagabug-at sang 60 grams kag may standard drug price nga P408,000, mga drug kag non-drug items.
Preso na sa City Proper Police Station ang lima ka mag-ulutod.
