ILOILO CITY — Na-recover ang P5,780,000 nga balor sang suspected shabu sa drug bust operation sa Sitio Ganzon Road, Brgy. San Pedro, Molo, kagab-i, Nobyembre 8.
Subject sa operasyon si alyas Marc, 26- anyos, residente sang Molo.
Ginabanta 850 grams sang suspected shabu ang na-recover sa subject.
Suno kay Major Marvin Villanueva, deputy chief sang Regional Police Drug Enforcement Unit (RPDEU), bodegero sang illegal drugs kag naga-supply sa bilog nga syudad si Marc.
Sa masaligan lang nga tawo ginabaligya ni Marc ang illegal nga druga.
Wala sang previous record may kaangtanan sa illegal nga druga ang subject ukon ano man nga sahi sang krimen, suno kay PMAJ Villanueva.
