ILOILO CITY —Apat ang nadakpan sa drug buy bust operation sa San Isidro, La Paz sang Agosto 25 sang gab-i.
Ginkilala ang subject sa drug buy bust operation kay Wilfred Seqeña, 53-anyos.
Nadakpan man kanday Amy Acaso nga live-in-partner ni Wilfred; Joselito Bungalso nga ginatudlo nga runner sa pagbaligya sang illegal drugs; kag Wilberto Seqeña nga nakuhaan sang 22 caliber.
Nabaklan sang isa ka plastic sachet sang suspected shabu ang tatlo nga nagabalor sang P15,000.
Na-recover ang 20 ka plastic sachet sang suspected shabu nga ginabanta nagabug-at sang 100 gramos sa balor nga P680,000.
Suno kay Police Captain Glenn Soliman, team leader sang Regional Police Drug Enforcement Unit-6, masobra isa ka bulan ang ila monitoring sa subject nga ginakabig High Value Individual (HVI) drug personality.
Gin-ako sang pulis nga nabudlayan sila mag operate sa tatlo tungod gina-front nila ang negosyo nga karinderya. —via Angel Mae Ciudad
