ILOILO CITY– Dakup ang tatlo ka High Value Individuals (HVI) kag isa ka Street Level Individual (SLI) sa drug buy bust operation sa Barangay Rizal Pala-pala 2, City Proper, kahapon sang kaagahon, Setyembre 9.
Ginkilala ang tatlo ka HVI kanday Angelica Bolivar, 24-anyos, John Ray Roque, 27-anyos, kag Elena Brillantes, 58-anyos kag ang SLI nga si John Lee Bolivar, 31-anyos, lunsay residente sang nasambit nga barangay.
Nabaklan ang duha ka subject nga kanday Bolivar kag Roque sang isa ka sachet sang suspected shabu sa balor nga P12,000.
Na-recover pa gid ang 35 ka sachets sang illegal drugs nga nagabug-at sang 75 grams kag nagabalor sang P510,000.
Presu na ang apat sa City Proper Police Station.
Ginhimo ang operasyon sang Regional Police Drug Enforcement Unit kag Station Drug Enforcement Team sang City Proper Police Station.
