ILOILO CITY — Naglab-ot sa P816,000 ang balor sang suspected shabu nga nakumpiskar sa drug bust operation sa Barangay San Juan, Molo kagab-i, Pebrero 4.
Subject sa operation si Juniel, 32-anyos nga residente sang Brgy. Calaparan, Arevalo.
Gin-ako ni Juniel nga nagabaligya siya sang illegal nga druga pero nagpamalibad sa pagsugid kon diin nagahalin ang iya supply.
Suno kay Police Captain Roque Gimeno III, chief sang City Drug Enforcement Unit (CDEU), may contact sa Bureau of Jail Management and Penology sa Ungka, Jaro ang subject kag may nagadul-ong sa iya paagi sa couriers ukon ginatabo sa nakasugtan nga lugar.
May impormasyon man suno kay Gimeno nga downline sang Abantao Drug Group ang source sang subject.
16 ka sachets kag duha ka daku nga pinutos sang suspected shabu nga ginabanta nagabug-at 120 gramos ang nakuha sa subject. — Aksyon Maria Kayla Tingzon
