ILOILO CITY — Tatlo ang nadakpan sa drug buy bust operation sang City Drug Enforcement Unit 6 sa Brgy. Newsite Bito-on, Jaro kagab-i, Enero 11.
Ginkilala ang mga nadakpan kanday, Mary Jean Alsol, 34-anyos, Jobert Conol, 42-anyos kag Elbert Ardales, 29-anyos.
Sa operasyon sang police, walo ka sachet kag apat ka knot-tied sang suspected shabu ang na-recover sang police nga nagabalor sang P816,000 kag ginabanta nagabug-at sang 120 grams.
Suno kay Brgy. Kagawad Arturo Saturnino, nalakip sa BADAC list ang babaye nga subject.
Ginpanginwala sang mga nadakpan nga nagagamit sila sang illegal drugs.
