Nagbilin sang P9.2 million nga balor sang kahalitan ang sunog sa merkado sang San Rafael, Iloilo kahapon sang kaagahon, Agosto 6.
Suno kay Fire Officer 1 Kim Lowe Bagsain sang San Rafael Fire Station, nabaton nila ang tawag halin sa concerned citizen la-1:18 sang kaagahon nga nagakasunog ang temporary stalls sa merkado.
Base impormasyon, nagsugod ang kalayo sa mga temporary stalls nga human sa light materials tubtob naglaton sa two-storey building nga bag-o lang gin-renovate.
Natupok sang kalayo ang 20 tanan ka temporary stalls. Samtang lima ka stalls ang partially-damaged sa ground floor sang gin-renovate nga building kag apat ka stalls sa ikaduha nga panalgan.
Nagkalasunog man ang mga baligya nga utan, school supplies nga nahamtang sa temporary stalls.
Nag-augment sa sunog ang mga bombero sang kaiping nga kabanwahanan lakip ang halin sa Banate Fire Stations, Barotac Viejo, Barotac Nuevo, Sara kag Lemery.
Sa subong, indi pa mapat-ud ang ginhalinan sang sunog, suno kay F01 Bagsain.
Wala sang may napilasan sa insidente.
Gindeklarar Fire out las-4:08 sa kaagahon. — via Aksyon Farrah Mae Morano
