ILOILO CITY– Naglab-ot sa masobra tunga sa million nga balor sang suspected shabu ang nakumpiskar sa duha ka mga subjects sa drug bust operation sa Barangay Lanit, Jaro kagab-i.
Subjects sa operasyon kanday alyas Sherwin, 44-anyos nga nakaagi na preso sa kaso may kaangtanan sa illegal nga druga sang 2010; kag iya upod sa pagbaligya nga si alyas Jemar, 39-anyos lunsay residente sang amo nga barangay.
Suno kay Police Captain Roque Gimeno III, chief sang City Drug Enforcement Unit, sang nakaguwa sa presuhan ang subject nga si alyas Sherwin sang nagligad nga tuig, natukiban sang mga barangay officials nga nagbaligya naman siya sang illegal nga druga.
Samtang nagabulig kay Sherwin sa pagbaligya sang illegal nga druga ang kaupod niya nga nadakpan nga si Jemar.
Na-recover sa operasyon ang 85 gramos sang suspected shabu nga may standard drug price nga P578,000.
Nagpamalibad si Gimeno sa paghatag sang source sang illegal nga druga sang subjects tungod ila na ini nga gina-monitor. — Aksyon Maria Kayla Tingzon
