ILOILO CITY — Nagdangat sa P510,000 nga balor sang suspected shabu ang na-recover sa high value individual sa drug buy bust operation sa Brgy. San Pedro, Molo kagab-i. Abril 19.
Ginkilala ang subject kay Joel Maligaya, 48-anyos, residente sang Brgy. Calubihan, Jaro.
Suno kay PCapt. Glenn Soliman, team leader sang Regional Police Drug Enforcement Unit, isa ka bulan nila nga gin-monitor ang illegal nga aktibidad ni Maligaya antes ginhimo ang operasyon.
Base sa impormasyon sang kapulisan, sa syudad man sang Iloilo nagakuha sang supply sang illegal drugs ang subject.
Lakip sa na-recover ang 15 tanan ka plastic sachets sang suspected shabu kag iban pa nga paraphernalia.
Ginpanginwala ni Maligaya nga nagagamit kag nagabaligya siya sang ilegal nga droga.
Natalana nga i-turn over si Maligaya sa Molo Police Station.
