ILOILO — Masobra tunga sa milyon nga balor sang suspected shabu ang na-recover sa 19-anyos nga lalaki sa buy bust operation sang Station Drug Enforcement Team sang Mina Municipal Police Station sa Brgy. Nasirum, Mina kahapon sang hapon.
Ginkilala ang subject kay alyas Ronald, nga taga-Golgota, Janiuay pero temporaryo nga nagatinir sa Brgy. Cabalabaguan, Mina.
Suno kay Police Captain Isagani Tabares, officer-in-charge sang Mina MPS, ginabaligya sang subject ang mga illegal items sa Mina kag sa mga kaiping nga kabanwahanan.
Na-monitor sang police ang ilegal nga aktibidad sang subject tungod sa bulig sang mga pumuluyo.
Nagabug-at sang 85 grams ang mga na-recover nga suspected shabu kag nagabalor sang P578,000.
Preso sa Mina Police Station ang subject. — Aksyon Paula Elambayo
