ILOILO — Dakup ang 25-anyos nga meat vendor kag ginakabig street level drug personality sa buy bust operation sang Station Drug Enforcement Team sang Igbaras Municipal Police Station las-9:50 kagab-i.
Ginkilala ang subject kay alyas Boy 25-anyos, residente sang Brgy. Barasan, Igbaras.
Suno kay Police Captain Francis Donne Lomahan, officer-in-charge sang Igbaras Municipal Police Station, tatlo ka semana gin-monitor ang subject antes nadakpan.
Na-recover sa subject ang 4 ka sachets sang suspected shabu nga ginabanta nagabug-at sang 5 grams kag nagabalor sang P34,000.
Sa impormasyon sang police, may kaso ang subject sang na-involved sa rumble sa Guimbal.
Ginabaligya sang subject ang illegal drugs sa kaiping nga mga barangay sa Igbaras samtang padayun pa nga ginahibalo sang police ang iya source.
Preso sa Igbaras Police Station ang subject. — Aksyon Paula Elambayo
