ILOILO — Na-recover ang P1,496,000 nga balor sang suspected shabu sa drug bust operation sang Barotac Nuevo Municipal Police Station — Station Drug Enforcement Team sa Brgy. Acuit, Barotac Nuevo sang Huwebes, Nobyembre 20.
Sa operasyon sang mga pulis, nadakpan ang duha ka mga ginakabig high-value drug personalities kag mga kaupdanan lakip ang menor-de-edad.
Nagdugay sang duha ka bulan ang monitoring sang mga pulis sa mga subject tubtob nga nadakpan kag na-recover ang 220 grams nga kabug-aton sang suspected shabu.
Magluwas sa drug items, na-recover man ang homemade pistol nga may tatlo ka bala.
Naghalin sa Iloilo City ang supply sang illegal drugs sang mga subject.
Preso sa Barotac Nuevo Police Station ang mga nadakpan kag natalana pasakaan sang kaso nga paglapas sa Republic Act 9165 ukon ang Comprehensive Dangerous Drugs Act of 2002 kag Republic Act 10591 ukon ang Comprehensive Firearms and Ammunition Regulation Act. — Aksyon Paula Elambayo
