ILOILO–Patay ang 15-anyos nga lalaki sang ginbuno sang iya kasilingan sa Aquino Nobleza East, Janiuay kahapon, Hulyo 26.
Suno kay Police Captain Alwin Salmon, hepe sang Janiuay Police Station, nagapungko sa kilid sang dalan ang biktima sang ginpalapitan sang suspect nga si Mateo Renovar, 28-anyos, kag ginbuno.
Gilayon naman nga nagpalagyo ang suspect, pero gilayon nadakpan sang police.
Gindali-dali naman dala sa ospital ang biktima pero gindeklarar nga dead-on-arrival.
Detain na subong sa Janiuay Police Station ang suspect.
