ILOILO — Wala na natabangan sa ospital ang 16-anyos nga menor-de-edad sang nakabunggo ang ginamaneho nga motorsiklo sa SUV sa Brgy. Tingui-an, Balasan kahapon, Sept. 5.
Ginkilala ang driver sang motorsiklo kay alyas Toto 16- anyos, residente sang Brgy. Cano-an, Estancia.
Suno kay Police Lieutenant Dionisio Fernandez, deputy chief of police sang Balasan Municipal Police Station, wala natalupangdan sang menor-de-edad nga nag-U-turn ang SUV gani nakabunggo.
Madasig ang pagpadalagan sang driver sang motorsiklo, suno sa police.
Yara na sa pihak nga linya ang SUV sang nabungguan sang motorsiklo.
Wala napilasan ang driver kag ang tatlo ka mga sakay sang SUV.
Yara sa kustodiya sang Balasan Police Station ang driver sang SUV. — ARI trainee Robert Nietes
