Mga transport groups sa Iloilo City nga ma-upod sa transport strike sa Sept. 18 kinahanglan mag-secure sang clearance sa city government

ILOILO CITY — ILOILO CITY—Kinahanglan nga mag-secure sang clearance halin sa Iloilo City government ang mga transport groups sa siyudad sang Iloilo nga nagaplano nga mag-upod sa transport strike sa Septiyembre 18.

Paathag ni Traffic and Transportation Management Office (TTMO) Head Ret. Col. Uldarico Garbanzos nga sakup sang pila ka mga pagsulundan sa idalum sang Local Public Transport Route Plan (LPTRP) ang mga transport groups sa siyudad.

Halimbawa may matabo nga daku nga shortage sa numero sang mabiyahe nga traditional ukon modernized jeepneys sa amo nga adlaw, salabton ini sang mga transport groups sa siyudad kag sa LTFRB nga naghatag sa ila sang prangkisa nga makabiyahe, suno kay Garbanzos.

“We see to it nga wala sang may mauntat biyahe kay wala man sang mga leftist sa alliance sang public utility vehicle (sa siyudad),” pahayag pa ni Garbanzos.

Tinutuyo sang himuon nga transport strike nga ipabutyag sang sektor ang pagkondenar sa korapsyon sa gobyerno sa maanomalya nga mga flood control ptojects sang DPWH.

Pangunahan sang PISTON kag MANIBELA ang transport strike sa amo man nga adlaw sa Metro Manila. — Aksyon Marvin Malificiar