ILOILO — Pilason ang senior citizen nga babaye nga driver sang pick-up sang nabungguan ang naka-park nga motorsiklo kag tricycle sa Brgy. Acuit, Barotac Nuevo kahapon, Hulyo 7.

Suno kay Police Lieutenant Johnny Bundac, deputy chief of Police sang Barotac Nuevo Municipal Police Station, napiyungan ang driver sang pick-up gani nabungguan ang mga salakyan nga naga-park sa higad sang karsada kag nagdiretso sa kahoy sang mahogany.

Nakaagum sang pilas sa hitsura ang driver sang pick-up nga gindala sa ospital.

Wasak ang unahan nga porsyon sang pick-up tungod sa impact.

Nagpabutyag ang driver sang pick-up nga sabton ang galastuson sa na-damage nga mga salakyan suno sa police. — Source: Robert Nietes, ARI Trainee Reporter