Nagkalain-lain nga grupo nag-upod sa misa kag candle lighting para sa mga biktima sang Ceres bus tragedy sa Hamtic, Antique

Naghiwat sang misa, nagsindi sang kandila kag naghalad sang bulak ang nagkalain-lain nga grupo sa pil-as sa diin nahulog ang Cere bus sa Brgy. Igbucagay, Hamtic, Antique.

Ginpangunahan ini sang Hamtic Riders kag Hamtic Action Core Team for Services (ACTS).

Sang Huwebes, nagsindi man sang kandila ang mga manunudlo kag estudyante sang Gen. Leandro Fullon Nation School sa Hamtic, Antique sa accident site nga ginpangunahan sang ila school head nga si Dr. Leah Noblezada.

Gunkumpirmar sang Antique Provincial Disaster Risk Reduction and Management Office nga kahapon sang kaagahon, may isa pa ka pasahero sang bus nga napatay samtang ginabulong sa ospital. Nagdala ini sa kabug-usan nga numero sang mga napatay sa 19.