ILOILO CITY — Halos wala sang pagbag-o sa schedule sang mga major events sang Dinagyang Festival 2026.
Base sa calendar of activities, hiwaton ang Opening Salvo sa Enero 10 — la-una sa hapon sa Iloilo Freedom Grandstand kag las-tres sa hapon sa Iloilo Sports Complex.
Ang coronation sang Miss Iloilo sa Enero 17 sa West Visayas State University Cultural Center; kag sa Enero 22 tubtob 25 ang Dinagyang Food Festival sa downtown area.
Sa Enero 23 sang gab-i ang Dinagyang ILOmination Streetdance Competition and Floats Parade of Lights sa Atria Park District padulong sa Iloilo Business Park sa Mandurriao.
Sa Enero 24 ang Dinagyang Pet Parade las-seis sa aga, Festive Parade Sponsors’ Mardi Gras las-otso sa aga, Kasadyahan sa Kabanwahanan nga masugod la-una sa hapon sa Iloilo Freedom Grandstand, kag Grand Religious Sadsad, las-siete sa gab-i.
Sa Enero 25, hiwaton ang Concelebrated High Mass sa San Jose Parish Placer las-seis sa aga kag sundan sang Dinagyang Tribes Competition las-otso sa aga sa Iloilo Freedom Grandstand. Pagkahapon ang Sadsad sa Calle Real.
Las-siete sa gab-i ang Awarding Ceremony sa Iloilo Sports Complex.
