ILOILO CITY — Nagabalor sang P1,394,000 ang na-recover nga 205 grams sang suspected shabu sa drug bust operation sa Brgy. Taal, Molo kahapon, Disyembre 29.
Suno kay Police Major Marvin Villanueva, deputy chief sang Regional Police Drug Enforcement Unit (RPDEU) 6, na preso na sang Agosto 2016 ang subject nga si alyas Bitik upod ang kilala nga drug personality sa drug bust operation sang Molo police.
Liwat nga na-monitor ang illegal nga aktibidad sang subject sa sulod sang isa ka bulan.
Indi pa mabuyagyag sang mga pulis ang personalidad nga ginakuhaan sang supply sang illegal drugs sang subject.
Taga-San Felix, City Proper ang subject pero sa Taal nahuman ang transaksyon. — Aksyon Paula Elambayo
