P1.7 million nga balor sang suspected shabu na-recover sa 2 ka indibidwal sa drug buy bust sa Estancia

ILOILO — Na-recover sa drug bust operation sang Provincial Drug Enforcement Unit (PDEU) ang P1,768,000 nga balor sang suspected shabu sa duha ka mga indibidwal sa Poblacion Zone 1, Estancia kahapon, Disyembre 19.

Dakup ang 36-anyos nga nagabaligya sang isda kag ginakabig nga high value drug personality upod ang senior citizen nga babaye.

Tatlo ka dalagku nga putos sang suspected shabu ang na-recover sa operasyon.

Ginpahayag ni Police Major Dadje Delima, head sang Provincial Drug Enforcement Unit (PDEU) nga ang mga customer ni Paul, nagakadto sa balay sang senior citizen agud maggamit sang illegal drugs.

Ginabayran naman ni Paul ang senior citizen sang isda ukon kuwarta sa baylo sang pagpagamit sang iya balay, suno kay Delima.

Na-monitor sang PDEU ang main subject sang nagguwa ang ngalan niya sang mga nagligad nga drug bust operation sa Quinto Distrito.– Aksyon Paula Elambayo