P1.9 million nga balor sang suspected shabu na-recover sa mag-utod sa drug bust operation sa Bakhaw, Mandurriao

ILOILO— Liwat naman nga may na-recover nga dalagku nga supply sang illegal drugs sa buy bust operation sang City Drug Enforcement Unit (CDEU).

Na-recover ang 280 grams sang suspected shabu nga may standard drug price nga P1,904,000 sa operasyon sa Zone 1, Brgy. Bakhaw, Mandurriao.

Nadakpan si Ej Biona, 20-anyos kag iya mga utod nga si Gregorio, 21-anyos nga lunsay residente sang Zone 1, Brgy. Bakhaw, Manduriao.

Suno kay CDEU head Captain Roque Gimeno III, gindakop man sadto ang ila nga amay sa drug bust operation.

Sa impormasyon sang pulis ang ila amay ang ila nga source sang druga nga ginabaligya sa syudad. — Aksyon Farrah Mae Morano