ILOILO CITY — Tatlo ang subjects nga nadakpan sang kapulisan kag nakuhaan sang P1 million nga balor sang suspected shabu sa drug bust operation sa Barangay Lopez Jaena, Jaro la-1:35 kaina sang hapon
Subjects sa operasyon kanday alyas Nonoy, 29-anyos nga taga-Badiangan, Tonggay, 26-anyos nga taga Janiuay, lunsay temporaryo nga nagatiner sa nasambit nga barangay. Lakip man sa nadakpan si alyas Dave, 37-anyos nga amo ang tumandok sa lugar.
Suno kay Police Captain Roque Gimeno III, chief sang City Drug Enforcement Unit (CDEU), gintugyan sang iya tiyo kay alyas Nonoy ang bantay sang boarding house sa diin sila nadakpan, pero nagserbe ini nga lugar para sa ila mga parokyano sa paggamit sang illegal nga druga.
Dugang ni Gimeno, ginkaalarma man sang mga residente ang pagguwa-sulod sang madamo nga kalalakihan sa ila barangay pakadto sa lugar sang mga subjects.
Sa monitoring sang pulis, sa Bakhaw, Mandurriao nagakuha sang supply sang illegal nga druga ang subjects tungod may koneksyon sa lugar si Dave nga nakaagi na preso sa kaso may kaangtanan sa illegal nga druga sang 2023.
Pito ka dalagko nga sachets kag duha ka pinutos sang suspected shabu nga nagabug-at sang 150 gramos ang nakuha sa operasyon. — Aksyon Maria Kayla Tingzon
